Алматы облысында Ішкі істер министрлігі мен Ұлттық қауіпсіздік комитетінің бірлескен арнайы операциясы барысында ірі есірткі зертханасы жойылды, деп хабарлайды Polisia.kz.
Ақпараттық медиа порталдың жазуынша арнайы операцияны сәтті жүзеге асу үшін прокуратура органдарының келісімі бойынша жедел-іздестіру іс-шаралары жүргізілген. 7 қаңтарда ІІМ және ҰҚК күштері ауқымды синтетикалық есірткі өндірісін жолға қойды деген күдікпен ер адамды ұстаған. "Анықталған есірткі зертханасын тінту барысында 30 келі "мефедрон" психотроптық заты және есірткі өндіруге арналған бір тоннадан астам химиялық реактивтер табылып, тәркіленді", – дейді құқық қорғау органының өкілдері. Құзырлы орган қазіргі уақытта синтетикалық есірткі өндірісіне қажетті жабдықтарды жеткізу арналары және басқа да сыбайластарды анықтау бойынша тергеу шаралары жүргізіліп жатқанын атап өтті. "Аталмыш факт бойынша Қылмыстық кодекстің 297-бабының 3-бөлігі бойынша сотқа дейінгі тергеу басталды", – деп қосты құқық қорғау органының өкілдері.
9-01-2023, 10:20
Алматы облысында ірі есірткі зертханасы жойылды
Егер мәтінде қате байқасаңыз, оны таңдап, Ctrl+Enter пернелерін басыңыз