Заңсыз көші-қонның алдын алу және жолын кесу, сондай-ақ шетел азаматтарының көші-қон заңнамасын бұзу фактілерін анықтау мақсатында 17-20 наурыз аралығында облыс аумағында “Мигрант” жедел-профилактикалық іс-шарасы өткізілді, — деп хабарлайды kazlenta.kz тілшісі Polisia.kz сайтына сілтеме жасап.
Іс-шара барысында 4 күн ішінде 282 құқық бұзушылық анықталды. Оның ішінде шетел азаматтары жол берген 166 құқық бұзушылық тіркеліп, 54 шетел азаматы Қазақстан Республикасының аумағынан аластатылды. Сонымен қатар шетелдіктердің болу қағидаларының сақталуын қамтамасыз етпегені үшін 116 Қазақстан Республикасы азаматы жауапкершілікке тартылды.
— Шет мемлекеттерден еңбек ету мақсатында келген шетел азаматтарының құжаттарын заңда белгіленген тәртіпте уақытылы рәсімдеуді және көші-қон заңнамасының талаптарын қатаң сақтауды сұраймыз, — дейді полицейлер.