Ішкі істер министрлігі елордада қоғамдық тәртіп пен қауіпсіздікті қамтамасыз ету бойынша жүйелі жұмысты жалғастыруда. Астана қалалық полициясының жедел іс-шараларының нәтижесінде еліміздің әртүрлі өңірлерінен қылмыстық жолмен баю мақсатында келген бірнеше қылмыстық топтың әрекеті тоқтатылды, - деп хабарлайды kazlenta.kz тілшісі Polisia.kz сайтына сілтеме жасап.
Маусым айының басында ұйымдасқан қылмысқа қарсы күрес басқармасының қызметкерлері бопсалау және алаяқтық әрекеттерге қатысы бар үш ұйымдасқан топтың мүшелерін ұстады. Олар елорда аумағында заңсыз әрекеттерді жүзеге асыруға тырысқаны анықталды.
Ішкі істер министрлігі азаматтардың қауіпсіздігін қамтамасыз ету және қылмыстық ахуалды бақылауда ұстау "Заң және Тәртіп" тұжырымдамасы аясында басты назарда екенін атап өтеді.