Оқиға Ақтөбе - Атырау тас жолында болды.
«Toyota Prado» маркалы автокөлігінің 32 жастағы жүргізушісі Ақтөбеден Байғанинге бағыт алған. Жолдың 242-шақырымында «Газ» автокөлігімен соқтығысады.
«Жол-көлік оқиғасында «Toyota Prado» жолаушысы оқиға орнында көз жұмды. Ал, екі жолаушы Байғанин ауданының орталық аудандық ауруханасына жатқызылды. Жүк көлігіне шөп тиелген», - деді облыстық ПД баспасөз қызметінің жетекшісі Ерболат Сарқұлов.
Еске салсақ, Ақтөбеде жол апаты жиілеп кетті. Өткен демалыс күні Кеңқияқ ауылы маңында «Нива» автокөлігінің жүргізушісі жолдың қарама-қарсы бағытына шығып, КамАЗ жүк көлігімен соқтығысқан. Жүргізуші мен жанында отырған жолаушы оқиға орнында көз жұмды. Жол-көлік оқиғасынан соң қылмыстық іс қозғалды. Қазіргі кезде тергеу жүріп жатыр.