Атырауда telegram арқылы есірткі саудасымен айналысқан қылмыстық топ әшкереленді, – деп хабарлайды kazlenta.kz тілшісі Polisia.kz сайтына сілтеме жасап.
Атырау облысы прокуратурасының үйлестіруімен облыстық полиция департаментінің есірткі қылмысына қарсы іс-қимыл басқармасы жедел-іздестіру іс-шараларын жүргізу кезінде Telegram әлеуметтік желісінде заңсыз есірткі интернет-дүкенін ашып, Атырау қаласы аумағында есірткі құралдарын таратумен айналысқан қылмыстық топтың әрекетіне тосқауыл қойылды. Тексеру барысында 32 жастағы күдікті интернет-дүкенді басқарып, өзінен басқа заңсыз қызметке 5 адамды тартқаны анықталды. Қазіргі уақытта күдіктілер қамауға алынды. Күдіктілерге қатысты қылмыстық іс қозғалып, кешенді тергеу амалдары жүргізілуде.27-01-2026, 09:07
Атырауда онлайн есірткі саудасымен айналысқан қылмыстық топ әшкереленді
Фото: polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз