Алдағы күндері республика аумағы Атлант мұхитынан келетін циклонның әсерінде болады. Ол еліміздің басым бөлігінде жаңбыр мен желдің күшеюін тудырады. Тек 30 қазанда солтүстік пен орталықта, 30–31 қазанда республиканың шығысында жауын-шашынсыз ауа райы сақталады, деп хабарлайды kazlenta.kz.
Оңтүстік өңірлерде де атмосфералық фронттардың өтуіне байланысты жаңбыр жауады, ал таулы аймақтарда түнде жаңбыр мен қар түрінде жауын-шашын күтіледі.
Республика бойынша түнгі және таңғы сағаттарда тұман түседі деп болжанады.
Ауа температурасының біртіндеп төмендеуі күтіледі: күндіз батыста +5…+10°С, солтүстік пен орталықта +2…+10°С, оңтүстік пен оңтүстік-шығыста +8…+17°С, шығыста +8…+18°С шамасында болады.