20 маусымда Халықаралық менеджментті дамыту институтының Жаһандық бәсекеге қабілетті зерттеу орталығы (IMD, Швейцария) 2023 жылғы Дүниежүзілік бәсекеге қабілет рейтиңінің нәтижесін жариялады, деп хабарлайды kazlenta.kz тілшісі Zakon.kz сайтына сілтеме жасап.
IMD рейтингі мына факторларды бағалайтын кешенді зерттеудің нәтижесі: «Экономикалық белсенділік», «Мемлекеттік тиімділік», «Бизнестің тиімділігі» және «Инфрақұрылым».
2023 жылы зерттеу әлемнің 64 елін бағалады. Осы жолы Кувейт алғаш рет қосылды. Тізімді Дания бастап тұр. Даниядан кейін алғашқы бестікке Ирландия, Швейцария, Сингапур және Нидерланды кіреді.
2023 жылғы зерттеу нәтижесі бойынша Қазақстан 2022 жылғы рейтингпен салыстырғанда алты ұпай жоғары, 66,11 ұпаймен 37-орынға шықты.
Қазақстан Кувейт (38-орын), Португалия (39-орын) және Үндістан (40-орын) сияқты елдерден алда.
Биыл еліміздің барлық фактор контекстіндегі жағдайының жақсаруы байқалып, тек «Инфрақұрылым» факторында ғана нашарлау нәтиже көрсетті (46-орыннан 47-орынға төмендеді).