Жетісу облысында биыл 63 жол-көлік оқиғасы болды, – деп хабарлайды kazlenta.kz тілшісі Polisia.kz сайтына сілтеме жасап.
Жыл басынан бері Жетісу облысында 63 жол-көлік оқиғасы болды, 97 адам жарақат алды, 7 адам қаза тапты. Бұл көрсеткіштер үлкен алаңдаушылық туғызып, жол қауіпсіздігіне ерекше назар аударуды талап етеді.
Жол апаттарын талдау нәтижелері көрсеткендей, оқиғалардың 90%-ы жүргізушілердің кінәсінен болған. Негізгі себептер:
– Жылдамдықты асыру – белгіленген шектен асу кезінде көлікті басқару қиындап, соқтығысудан құтылу мүмкіндігін азайтады.
– Қарсы жолаққа шығу – ең қауіпті қателіктердің бірі, көбінесе ауыр зардаптары бар бетпе-бет соқтығыстарға әкеледі.
– Маневр жасау кезіндегі қателіктер – кенеттен бұрылу және қашықтықты сақтамау апатты жағдайларды тудырады.
– Жаяу жүргіншілер тарапынан ережені бұзу – белгіленбеген жерден өту немесе жолда мұқият болмау қайғылы оқиғаларға себеп болады.
Әрбір жол қозғалысы ережесін бұзу адам өміріне қауіп төндіреді. Көлік – жоғары қауіп көзі, ал жүргізушінің әрекетіне тек өзінің ғана емес, айналасындағы адамдардың да өмірі байланысты.