Президент Қасым-Жомарт Тоқаев Ғалымжан Пірматовты Ұлттық банк төрағасы етіп тағайындады, деп хабарлайды kazlenta.kz Ақорда сайтына сілтеме жасап.
"Ғалымжан Олжаұлы Пірматов Қазақстан Республикасы Ұлттық банкінің төрағасы лауазымына тағайындалсын", - делінген Жарлықта.
Айта кетейік, 3 ақпанда Сенат отырысында депутаттар Пірматовтың кандидатурасын мақұлдаған болатын. Бұл ретте Пірматовтың өзі отырысқа қатысқан жоқ. Президент Әкімшілігі басшысының бірінші орынбасары Тимур Сүлейменовтің айтуынша, Пірматов коронавируспен ауырып қалған.