Батыс Қазақстан облысының Орал қаласында мүгедектігі бар адамдарға көмек көрсететін жаңа "Салют Орто KZ" Қазақстан - Ресей кәсіпорны шаһар тұрғындарына есігін айқара ашты. Орал қаласы әкімдігінің қолдауымен жүзеге асырылған жоба мақсаты мүгедектігі бар адамдарға көмек қолын созу, жайлы, қолайлы және қуанышты өмір сүруін ұйымдастыру болып табылады, деп хабарлайды kazlenta.kz.
"Салют орто KZ" инклюзивті қоғам құру және мүгедектігі бар адамдар үшін протездеудің заманауи технологияларын қолжетімді етеді.
"Салют орто KZ" "Сколково" инновациялық орталығының әзірлемелерін, сонымен қатар ресей және неміс өндірушілерінің технологиялары бойынша модульдік функционалдық протездерді дайындайды. Протездерді дайындаудан басқа, орталық оларға жүру сабақтары, массаж, психологиялық дайындық сынды сабақтар жүргізеді, яғни бейімделуде көмек көрсетумен айналысады.
"Салют Орто KZ "ерекше қажеттіліктері бар адамдарға көмек көрсетудің барлық түрлерін шоғырландырады, сондықтан "патронаж мектебі" сапалы күтім жасауды да қолға алған.
«Барлығы бала кезімнен басталды: 7 жасымнан бастап мен хирург болуды, адамдарға көмектесуді армандадым. Одан әрі я инженерия саласына, құрастыруға қызыға бастадым. Жүйелік инженерияға түсіп, электронды жүйелермен жұмыс істедім. Ал 2004 жылы өндірістік кәсіпорындарды автоматтандыру бойынша өзімнің алғашқы жобамды іске қостым. Мені протездерді шығаратын кәсіпорындарды автоматтандыру қызықтырды. Бұл менің мақсатым және болашағым екенін түсіндім», - деп бөлісті компанияның бас директоры Иван Николаевич Худяков.
2018 жылы Иван Николаевич Лейпцигтегі халықаралық протездеу көрмесіне қатысып, әлемдік нарық көшбасшыларының жұмысын зерттейді. Көрмеде заманауи протездер ұсынылды, олардың көмегімен адамдар белсенді өмір салтын жүргізе алады, спортпен шұғылданады, тіпті футбол ойнай алады. Бұл іс-шара Иван Николаевичты шабыттандырады, осылайша 2018 жылы 29 наурызда Улан-Удэ қаласында "Салют Орто" компаниясы тіркелді.
Қазіргі уақытта аталмыш компания микропроцессорларды пайдалана отырып, бионикалық протездер жобасын әзірлеуде. Жаңа заманауи тізе модулін құру кезінде соңғы 20 жыл ішінде алған барлық құзыреттіліктер мен білімдерді қолдана отырып, протездердің 3 моделін шығаруды жоспарлауда. 1 түрі "бастаушыларға", яғни мүгедектікке тап болған адамдарға арналған Модуль. Бұл модульде микропроцессор жоқ. Бұл протездің құрылғысы тасымалдау фазасын басқаруға арналған пневматикалық жүйеден тұрады. Ал 2 түрі микропроцессоры бар бионикалық протез моделі. Мұндай протез адамға табиғи жолмен жүруге мүмкіндік береді. Микропроцессоры бар протез түрі қозғалыс жылдамдығын тануға мүмкіндік береді, рельеф қарапайым және сенімді протез болып табылады, ол адамға күнделікті өмірде оңай әрі ыңғайлы қозғалуға көмектеседі. Келесі 3 түрі жоғары жүктемелерге арналған бионикалық протез моделі. Мұндай протез спортшыларға арналған.
Сонымен қатар алдағы уақытта науқастарға "Салют Орто" Иркутск кеңсесінде протезден кейін жаяу жүру мектебінде сабақ алу мүмкіндігі туады. Практикалық тәжірибе көрсеткендей, дұрыс жүру стереотипі 3-4 ай протезді қолданғаннан кейін ғана қалыптасады. Протезде жүруді үйретудің негізгі міндеті - қозғалыстың шартты-рефлекторлық байланыстарын дамыту, қадам элементтерін игеру, үйлесімді және тұрақты жүруді қалыптастыру болып табылады. Жаяу жүруді үйренудің басында дененің жалпы тонусын жақсарту, бұлшық еттерді жаттықтыру және буындарды босаңсыту үшін бірқатар шаралар өткізілуі тиіс.
Қазақстанда алғаш Орал қаласында ашылған "Салют Орто KZ" болашақта Ақтөбе, Атырау және Ақтау қалаларында ашылып, көмекке мұқтаж жандарға қол ұшын созуды жоспарлауда.