Ru  Kz
Барлық жаңалықтар

Коронавируспен ауырғаннан кейін иіс, дәм сезу қабілетін орнына қалай келтіру қажет? Дәрігер кеңесі

Коронавируспен ауырғаннан кейін иіс, дәм сезу қабілетін орнына қалай келтіру қажет? Дәрігер кеңесі
Фото: iStock

Екпе алған адам мен одан бас тартқан адам коронавирус індетін жұқтырған жағдайда өкпесіне қаншалық зиян тиеді? Дәм сезу, иіс сезу жүйесіне зақым келсе оны қалай қалпына келтіруге болады? Осы және өзге де сауалдарға Нұр-Сұлтан қалалық №8 емхананың профилактикалық бөлімшесінің скрининг дәрігері Анар Асубекова жауап берді, деп хабарлайды елорда әкімдігінің ресми сайты.

«Емханамызға өкпесін скринингтен өткізетін адам көп келеді. Өз тәжірибемде байқағаным вакцинациядан өткен адам мен одан бас тартқан адамның өкпесінде айырмашылық бар. Екпе алып, алайда ковид инфекциясын жұқтырған болса өкпесіне зиян тимейді десем де болады. Өз басым вакцина алған адамның көп дегенде 10-15 пайызына ғана зақым келгенін байқадым. Мұндай жағдайда науқастың стационарға жатып, күндіз-түні дәрігердің бақылауында болуының еш қажеті жоқ. Үйінде емделе берсе де болады. Ал вакцина алмаған адам коронавирустың орташа немесе ауыр түрін өткереді», - деді Анар Асубекова.

Сөзін жалғай отырып, дәрігер COVID-19 инфекциясын жұқтырғаннан кейін иіс, дәм сезу қабілетін орнына қалай келтіруге болатынын түсіндіріп берді.

«Коронавирус жұқтырған науқастың өкпесінде қабыну болған кезде шырышты қабатының ісінуі пайда болады. Салдарынан иіс сезу жүйкесі зақымданғандықтан біраз уақытқа дейін адамда иіс сезу, дәм сезу нашарлап тұрады. Тіпті мүлдем сезбей қалады. Бұл ісіну кеткеннен кейін ақырындап қана орнына келеді. Порцесті жылдамдату үшін мұрынды тұзды сумен немесе арнайы ерітінділермен күнделікті шайып отыру керек. Ал ісіну аздап басылғаннан кейін хош иісті заттарды иіскеп жүйкенің функциясын қайтадан қалпына келтіруге болады», - деді ақхалатты дәрігер.

Коронавирус инфекциясын емделіп шыққаннан кейін адам қанша уақыт күтінуі қажет? Неден сақтануы керек?

«Алдымен кемінде екі апта карантин режимін сақтауы керек. Нақтырақ айтқанда, өз-өзін күтініп, жылы киіну, адам көп жиналған орындарға бармау, Бас мемлекеттік санитарлық дәрігердің қаулысында көрсетілген талаптарды толықтай сақтау қажет. Сол сияқты дұрыс тамақтану, уақытылы ұйықтау, шаршағанша жұмыс істемеу керек», - деп түсіндірді.

Дәрігер өз сөзінде науқас емделіп шыққаннан соң ұшаққа отыру қауіпті екенін айрықша атап өтті.

«Алғашқыда инкубациялық уақытта бірнеше күннен 20 күнге дейін созылуы мүмкін. Кейін айқын клиникалық белгілері болғаннан кейін бірер аптадан бір айға дейін жалғасуы мүмкін. Ал ПТР нәтижесі теріс болғаннан кейін ұшуына болады. Бірақ оның өзінде дәрігерінің рұқсатын алу қажет. Себебі бұл әр адамның өз ағзасына байланысты», - деді ол.

Анар Асубекова өз сөзінде коронавирустан бөлек созылмалы аурулары болса ұшаққа отыруына жарты жыл, тіпті бір жылға дейін рұқсат берілмеуі мүмкін екенін жеткізді.

Айта кетейік, коронавирус індетін жұқтырғандар қатары азайғанмен елордада «қызыл аймақтан» әлі шыққан жоқ. Карантинге дейінгі қалыпты өмірге оралудың жалғыз жолы – вакцинация арқылы ұжымдық иммунитетті дамыту. Сол себепті өз денсаулығыңызды ғана емес өзгелерді де қорғау үшін екпе алу қажет.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Әнші Дидар Кәденнің жұбайы өнер иесіне қыз сыйлады
"Ирина Кайратовна" тобының мүшесі шаңырақ көтерді
Майра Ілиясова Бибігүл Төлегеноваға ерекше құрмет көрсетті
Әнші Ералхан Әбішевтің не себепті сахнадан көрінбей кеткені белгілі болды
Әнші Ерке Есмахан танымал қазақ сериалына түсті
Мультимедиа
Жамбылдық полицейлер Шу тұрғынынан 200 келіге жуық есірткі тәркіледі
Lexus мініп каналға түсіп кеткен тараздық түлектің жаңа видеосы жарияланды
Ұлттық ұланның авиациясы екі жаңа тікұшақпен толықты
Елордалық полицейлер ақша салынған сөмкенің ұрлығын ашты
Ақмолалық полицейлер жасырын есірткі зертханасын жойды