Ru  Kz
Барлық жаңалықтар

Жүктіліктің алдында екпе алу қажет – Локшин

Белгілі отандық ғалым, қазақстандық репродуктивті медицина қауымдастығының президенті Вячеслав Локшин коронавирустың репродуктивті жүйеге қалай әсер ететіні және бала жоспарлап жүргендерге неліктен алдымен екпе алу керек екендігі туралы түсіндіріп берді, деп хабарлайды елорда әкімдігінің ресми сайты.

Вячеслав Локшиннің айтуынша жүкті әйелдерде коронавирус әртүрлі жолмен жұғады. Пандемияның басында олардың көпшілігі ауруды асимптоматикалық түрде өткізді. Ал «Дельта» штамының пайда болуымен жағдай күрт өзгерді, қазір олардың көпшілігі ауруханаларда КВИ-мен емделіп жатыр, жағдайлары асқынып барады.

«Өкінішке қарай, коронавируспен ауыратын жүкті әйелдерде асқынулар бар. Ерте жүктілік және мерзімінен бұрын босану жағдайлары болып жатыр. Ал жүктіліктің үшінші кезеңінде өкпе қабыну немесе пневмония жұқтырған адамдарда тыныс алу жеткіліксіздігі пайда болуы мүмкін, кейде соның салдарынан жүктілікті тоқтатуға тура келеді. Сол сияқты дәрігерлер сәбиге теріс әсер етуі мүмкін көптеген препаратты тағайындай алмайды. Қазіргі уақытта әлемнің дамыған елдерінің көпшілігі вакцинациядан кейін ғана жүктілікті жоспарлау керек деп санайды. Ал АҚШ, Канада, Израиль жүкті әйелдерді вакцинациялауды бастады. Қазір ондаған жүкті әйел вакцина алды, теріс әсері болған жоқ. Біз «Пфайзер» вакцинасын күтіп отырмыз, оны жүкті әйелдерге ұсынамыз», - деді дәрігер.

Оның айтуынша, жүкті әйелдер жүретін ортаны толығымен вакцинациялау өте маңызды. Себебі бұл коронавирус ауруының қаупін және салдарынан болатын асқынулардың пайда болу қаупін едәуір төмендетеді.

«Біз қорғанатын мүмкіндікті қатты күттік. Вакцинаны аңсадық. Енді ол шыққан кезде қоғам пікірі екіге айырылды. Қанша дегенмен вакцина тәртібі ондаған жылдар бойы қолданылып келе жатыр емес пе!» - деп таң қалды профессор.

Сондай-ақ, ол вакцина алған кезде ағзаға антиген-вирустың фрагменті енгізілетінін мәлім етті, ол вирусқа қарағанда қауіпті емес әрі аурудың таралуына ықпал ете алмайды.

«Кішкентай бөлік көбейе алмайды. Адам ағзасына коронавирусқа қарсы болсын, басқа ауруға қарсы болсын вакцина енген кезде қандай процесс өтеді? Адам ағзасы әлгі енген вирустың кішкентай бөлігіне қарсы антидене қалыптастырады. Осылайша ол көбейе алмайды. Ауырып жазылған, вакцина алған адамның иммунитеті екпе алмаған, ауырмаған адамнан 50 есе күшті болады», - деді спикер.


скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Димаш Құдайберген Сербияда беделді «Ағайынды Карич қоры» сыйлығын алды
Костенко шахтасындағы апат: Әнші Димаш жас баласы бар 20 отбасыға 20 миллион теңге аударды
Мультимедиа
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты
Қасым-Жомарт Тоқаев Президенттік жастар кадр резервінің форумына қатысты
Олжас Бектенов IV қысқы жасөспірімдер арасындағы Олимпиада ойындарының жеңімпаздарына Мемлекет басшысының алғыс хаттарын табыс етті
Алматы Халықаралық әуежайының жаңа терминалы 87% дайын