ҚР Премьер-Министрінің орынбасары – Сауда және интеграция министрі Бақыт Сұлтановтың қатысуымен өткен Еуразиялық экономикалық комиссия Кеңесінің кезекті отырысында Қазақстанның ақ қант пен шикі қантты бажсыз әкелу квотасын тағы 100 мың тоннаға арттыру туралы ұсынысы мақұлданды, деп хабарлайды kazlenta.kz.
«Негізгі импорттаушы елдер – Ресей мен Беларусьтен экспорттың шектелуі Қазақстанды жаңа жеткізушілерді іздеуге мәжбүр етеді. Біз ЕЭК - ға кедендік әкелу бажының нөлдік мөлшерлемесі бойынша қантқа арналған квотаны ұлғайту туралы өтініш жасадық, - деп түсіндірді Б.Сұлтанов.
Қант әлеуметтік маңызы бар азық-түлік тауары болып табылады, сонымен қатар басқа да бірқатар өнімдердің бағасына әсер етеді. Осыған байланысты міндет тек тапшылықтың алдын алу ғана емес, сонымен қатар қазақстандық тұтынушылар, соның ішінде тамақ өнеркәсібінің жекелеген секторлары - кондитерлік өнімдер мен алкогольсіз сусын өндірушілер үшін қанттың құнын тұрақтандыру мен төмендетуді қамтамасыз ету болып табылады.
ЕЭК Кеңесінің шешімімен Қазақстан 2022 жылдың тамыз айының соңына дейін нөлдік кедендік баж салығымен жалпы көлемі 350 000 тоннаға дейін ақ қант пен шикі құрақты импорттай алады.