Ru  Kz
Алматы C
» » Батыс Қазақстан облысында татулықты ту еткен шағын этнос өкілдері тұруда
Барлық жаңалықтар

Батыс Қазақстан облысында татулықты ту еткен шағын этнос өкілдері тұруда

Фото: ашық көздерден

Батыс Қазақстан облысында Абхаз, ағылшын, Белуджий, Венгр, Иран, Қытай, Қырым татарлары, күрд, Құмық, Лак, Македон, Мари, Мокша, Перс, Рутул, Серб, Словак, Табасаран, Тат, Тувин, Түрік, Финн, Цахур, Шорц, Якут сынды түрлі шағын этнос өкілдері тұрады. Бұл ұлт өкілдерінің қатарында Тәуелсіздікті Қазақ халқымен бірге қарсылағандар мен егемен Қазақ елінде дүниеге келгендер бар, деп хабарлайды kazlenta.kz.

Шағын этнос өкілдерінің бірі, бүгінгі кейіпкеріміз Алена қазақ жерінде қонақжай әрі сыйластығы жоғары ұлт өкілдерімен тұрып жатқандығына қуанады. Тәуелсіз Қазақстанда дүниеге келген 25 жастағы қала тұрғыны Сорокина Алена негізгі ұлты бойынша - мари. Алайда Оралда туылып, өмір бойы Оралда тұрып келеді. Қазіргі таңда мұғалім болып қызмет атқаратын жас ару туған жеріне деген махаббатының берік екендігін жеткізді. 4 жыл бойы балаларды білім нәрімен сусындатып келе жатқан бойжеткеннің әкесі мари, анасы украин. Кеңес үкіметі кезінде қазақ жеріне келіп, қазақ қызымен танысқан кейіпкеріміздің атасы елімізді ұнатып, қалып қойған. 

«Қазақстанда тұрып жатып, кейбіреулер әлі күнге дейін осындай ұлт туралы естігенде таң қалады. Қазақстан тату, көпұлтты ел болғандықтан, бәрі бір-бірін түсінеді, қандай ұлт өкілі екендігіне қарамастан сыйлайды. Мұнда менің айналамда қазақтар, орыстар, украиндар, татарлар және басқа да ұлттар бар. Мен бұл адамдармен дос болып, жұмыс істеп келемін. Ұжымда және жалпы ортада, егер сіз басқа ұлт болсаңыз онда сізге деген көзқарас басқаша болады дегенмен келіспеймін. Бұл сіздің ұлтыңызға емес, тәрбиеңізге байланысты деп есептеймін. Бұл менің елімізде ұнайтын ең маңызды факторлардың бірі» - дейді Алена.

Жалпы Аленаның жанұясының елімізге келу тарихы алыс 60-шы жылдардан бастау алады. Кейіпкеріміздің атасы Сорокин Сергей Васильевич – Марий Эл Республикасында туып-өскен таза қанды мари. 1962 жылы бұрынғы Зеленов ауданы Красный партизан кентіне ересек жігіт ретінде келіп, зейнеткерлікке шыққанға дейін комбайнда тыңды көтеру жұмыстарымен айналысқан. Осы жерде қазақ қызы Балмағамбетова Күләш Гельмановнамен танысып, отау құрған. ҚазКСР кезінде қазақ жеріне келіп тұрақтаған Аленаның жанұясы қазақ елімен бірге Тәуелсіздіктің ақ таңын қарсы алды. Аленаның ата-анасы егемен елде отау құрып, Аленаны дүниеге әкелген. Қазіргі таңда Тәуелсіз Қазақстанда тұрып, елмен бірге дамып, өркендеп жатқан отбасы Қазақстанда тұрып жатқандарына тек қуанбаса, еш өкінбейді.4


Өз кезегінде Алена «Құжаттар бойынша менің ұлтым мари болып табылады, дегенмен менің бойымда әлі де қазақ және украин қаны бар. Ал елімізде түрлі ұлт өкілдері бір-бірімен дос және бір-бірінің дәстүрлерін, әдет-ғұрыптарын, мәдениетін құрметтейді. Мен мұны мақтан тұтамын» деп, көпұлтты елде тұрып жатқандығын және бойында бірнеше ұлттың қаны бар екендігін мақтаныш ететіндігін жеткізді.

Алена Орал жанындағы орта мектепте әлеуметтік педагог және өзін-өзі тану пәні мұғалімі болып жұмыс істейді. Қазіргі таңда ата-анасымен бірге Орал қаласында тұрады. Туған сіңлісі қазақ жігітіне тұрмысқа шыққан. Өзі тұрмыста емес.

«Мен Қазақстанда 25 жыл тұрамын. Мен осында туып-өстім және өзім оқыған мектепте жұмыс істеймін. Мен де, отбасым да елімізді жақсы көреміз және бұл жерден кету тіпті ойымызға да келмеген. Мен Тәуелсіз Қазақстанда тұрып жатқаныма қуанамын. Кезінде қазақ халқы менің жанұямды, басқа да жандарды құшақ жая қарсы алды. Татулықтың, бірліктің үлгісін көрсеткен қазақ халқы ендігі кезекте бейбітшіліктің, егемендіктің үлгісіне айналып отыр. Кезінде Елбасымыз Нұрсұлтан Назарбаевтың ядролық қарудан бас тартқанының өзі еліміздің бейбітшілікті қолдайтын мемлекет екендігін көрсетті. Мен осындай азат әрі ынтымағы мол мекенде тұрып жатқанымды мақтан етемін. Бұл менің Отаным, менің үйім» - деп сөзін қорытындылады кейіпкеріміз.

Ал келесі кейіпкеріміз Ташес Дмитрий Георгисович Тәуелсіздікке дейінгі Қазақстанда дүниеге келіп, еліміздің азаттық алғанына куә болды. Дмитрий Георгисовичтың ұлты – македонец. Анасы – орыс ұлтының қызы. Өзі 1959 жылы Орал қаласында дүниеге келген және күні бүгінге дейін жасыл шаһарымызда тұрып келеді. «Мен Тәуелсіз қазақ жерінде туылып, осында тұрып жатқаныма қуанамын. Қазақ халқы қонақжай, мейірімді әрі сыйластығы мол халық. Осындай жандармен ашық аспан астында бейбітшілікте өмір сүріп, көрші болуға мүмкіндік сыйлаған Қазақ еліне алғысым шексіз» деп өз ойымен бөлісті.


«Барша жерлестерімізді, қазақ елін келе жатқан Тәуелсіздігіміздің 30 жылдығымен шын жүректен құттықтаймыз.  Әрдайым аспанымыздан азаттықтың ақ таңы күліп атсын, егемендігіміз мәңгілік болғай! Бізді және өзге де ұлт өкілдерін бауырындай сыйлап, жақсы көретін елде, қонақжайлығымен, ізеттілігімен барша әлемге танылған қасиетті жерде тұрып жатқанымызға қуанамыз» - деп кейіпкерлеріміз барша тұрғындарды Қазақстан Республикасы Тәуелсіздігінің 30 жылдығымен құттықтады.
скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Иманбек өзіне ескерткіш қою ұсынысына жауап берді
Қазақстандық қыздың өнері The Voice шоуының әлемдік рейтингіне енді
Рухия Байдүкенді жанкүйерлері елорда әуежайынан күтіп алды
Қасым-Жомарт Тоқаев Рухия Байдүкенованы жүлдесімен құттықтады
Нұрғали Нүсіпжановтың 83 жасында ұлды болғаны рас па?
Мультимедиа
ШҚО-да адам өліміне қатысты күдікті ұсталды
Жамбылда есірткі дайындаумен және өткізумен айналысқан қылмыстық топ ұсталды
Павлодар облысында “Toyota” жүргізушісі жаяу жүргіншіні қағып кетті
Шымкентте қоқыс контейнерінен нәресте өлі табылды
Атырауда нигериялық жігітке ұзатылған қыздың сыңсу әні көпшілікті жылатты