Ұлттық құндылықтар: Шымкентте қолөнерді дамытып жүрген шеберлер көп

Гобеленмен талайды тамсандырған суретші. Шымкенттік Әбдімүтәліп Ахметов туралы осылай айтуға болады. Ұлттық құндылықтарды  насихаттап жүрген шебер, қазақтың тарихы тереңде жатқан қазыналы дүниелерін суреттеуге келгенде алдына жан салмайды. Өзінің таңдаған өнер жолы бүгінде үлкен мәнге ие.

Гобелен дегеннің өзі осындай ерекше өнер. Тоқыманың бір түрі деуге болады. Кендір жіп, су өсімдіктері немесе жүннен иірілген жіпті пайдалануға болады. Балтық жағалауы суретшілері гобелен тоқуда көбіне табиғат көріністерін бейнелесе, кавказдықтар тарихи оқиғалар мен эпостарды бейнелегенді ұнатады екен. Ал қазақы орнамент арқылы түрлі бейнелерді салу Әбдімүтәліп мырзаның ерекшелігі.

Гобелен ақсүйектердің өнеріне айналған десе де болады. Түксіз кілемде мистикалық бейнелерді салып, сәндік немесе анықтамалық мақсатта пайдалануға мүмкіндік бар. Бұрын гобелен жасау өте ауыр жұмыс болатын себебі көп технология қазіргідей қолжетімді болған жоқ.  Автоматты тоқу машиналарының пайда болуы біршама шаруаны жеңілдетіп, қазір процесті әлдеқайда дамытқан.

Айта кету керек, қазір шеберханада «Байқоңыр» атты туынды дайындалып жатыр. Алдағы уақытта түрлі көрмелереден орын теуіп, көптің көңілінен шығатын кілем болады деп үміттеніп отыр қолөнершілер. Гобелен маталары арқылы көп нәрсе айтуға болады. Сондықтан болар, мұндай туындылар туризмнің ажырамас бөлігіне айналған. Ал тұрмыста бұл бұйымды перде, төсек жапқыш, жастық қап пен қабырға қаптамалар үшін қолдана беруге болады.скачать dle 11.1смотреть фильмы бесплатно