Түркістанда мемлекет тарапынан берілетін жәрдемақыны шығарып беремін деп тұрғындарды алдаған әйел қолға түсті, деп хабарлайды ІІМ ресми сайты Polisia.kz.
Басылымның мәліметінше, Түркістан ҚПБ-ға бірнеше жергілікті тұрғын арызданып, алаяқтың құрбаны болғандығын жеткізді. Олардың айтуынша, сырттай таныс әйел мемлекеттен қайтарымсыз жәрдемақы шығарып беремін деп сенімге кіріп, әрқайсысынан 150 мың теңгеден алған.
Аталған жайт сотқа дейінгі тергеп-тексерудің бірыңғай тізіліміне енгізіліп, Қылмыстық кодекстің 190-бабы (Алаяқтық) бойынша тіркелді. Хабар алысымен түркістандық полицейлер жедел әрекет етіп, тұрғындарды алдап, ақшасын алып кеткен күдіктіні қолға түсіру бағытында қарқынды іздестіру шараларын жүргізді.
Алаяқтық қылмысын ашу мақсатында жәбірленушілерден нақты мәліметтер алды. Осылайша, жедел жүргізілген іс-шаралардың нәтижесінде, орта жастағы жергілікті тұрғын ұсталды.
21-07-2022, 10:13
Түркістанда әйел адам жәрдемақы алып берем деп, тұрғындарды алдап соққан
Егер мәтінде қате байқасаңыз, оны таңдап, Ctrl+Enter пернелерін басыңыз