Сағат 14.21-де Алматы қаласы Төтенше жағдайлар департаментінің пультіне Түрксіб ауданындағы өрт туралы хабарлама келіп түсті, деп хабарлайды kazlenta.kz.
Бірінші өрт сөндіру есебі өрт орнына 7 минут ішінде келді.
Сағат 14.28-де қоймаларда тауарлық-материалдық құндылықтардың жанып жатқаны (қағаз өнімдері, мототехника және т.б.) анықталды. Өрттің жалпы аумағы-1600 шаршы метр.
Өртті сөндіруге жеке құрамнан 100 адам, 24 бірлік техника, 6 суару - жуу машинасы, 1 МИ-171 (703) тікұшағы, 1 МИ -8 АМТ ССА тікұшағы жұмылдырылды.
13 су төгіндісі шашылды, жалпы көлемі 39 тонна.
Оңтүстік астана өрт сөндірушілерінің үйлесімді әрекеттерінің арқасында өрт сағат 17.11-де сөндірілді. Қабылданған жедел шаралар жанып жатқан объектіге жанған тауарлық-материалдық құндылықтары бар көрші қойма үй-жайларына оттың таралуының алдын алды. Зардап шеккендер мен қаза болғандар жоқ.
Фото: Алматы қаласы ТЖД баспасөз қызметі