2023 жылғы 23 шілдеде сағат 21.57-де Астана қаласы ТЖД Өрт сөндіру бөлімшелері Көктал ауданында жатақхана жанып жатқаны туралы келіп түскен хабарламаға жоғары шақыру нөмірі бойынша шықты, деп хабарлайды kazlenta.kz тілшісі ҚР ТЖМ баспасөз қызметіне сілтеме жасап.
Өрт сөндірушілер келгеннен кейін 20 шаршы метр алаңда 2 қабаттағы бөлмелердің бірінде өрт шыққаны анықталды.
Өрт тез таралды, жоғарыдағы бөлмелерді түтін басты.
Өрт сөндірушілер қою түтін арасында жұмыс істеді.
Елордалық өрт сөндірушілердің күшімен үш иінді көтергіш арқылы 2 адам аман-есен құтқарылды.
Жатақхананың 60 тұрғыны эвакуацияланды.
Тұрғындарды орналастыру мәселесін жатақхана иесі шешеді.
ТЖД күштерімен өрт 22.28-де оқшауланып, 22.48-де сөндірілді.
Өртті сөндіруге Астана қаласы ТЖД жеке құрамынан 41 адам мен 9 бірлік техника жұмылдырылды. Қаза болғандар мен зардап шеккендер жоқ.
Құрметті Астана қаласының тұрғындары, ТЖД өрт қауіпсіздігі ережелерін сақтауды және өз өмірлеріңіз бен мүлкілеріңізді қорғауды ұсынады!
Ешбір адам өрттен сақтандырылмаған, сондықтан қауіпсіздік туралы алдын ала ойлану маңызды. Тұрмыстық өрттердің алдын алу бағыттарының бірі оларды ерте анықтау болып табылады. Ол үшін арнайы дабыл құрылғылары – автономды өрт хабарлағыштары жасалады. Олардың басты мақсаты-өрттің болғанын анықтап, ол туралы хабарлау. Датчикті үйіңізге орнату арқылы сіз мүлікті ғана емес, өміріңізді де сақтайтыныңызға сенімді бола аласыз.