2021 жылғы 25 желтоқсанда сағат 11:36-да 101 қызметіне Қостанайдағы "Садовод" саяжай қоғамдастығының аумағында өрт шыққаны туралы хабарлама түскен, деп хабарлайды kazlenta.kz.
Өрт сөндіру бөлімшелері келген кезде 6 адам тұратын тұрғын үй құрылысы 60 шаршы метр алаңда отқа оранған. Үйде ешкім болмаған.
Өрт орын алған сәтте Қостанай қаласының № 22 орта мектебінің 5 сынып оқушысы Пирог Олег саяжай маңында ойнап жүріп, көрші үйдегі қалың түтінді байқайды. Олег бұл үйде көп балалы отбасы, кәмелетке толмаған балалар тұратынын білген.
Өрт сөндірушілердің келуін күтпей, ол дереу түтінге оранған үйге өз өмірін қатерге тігіп терезе арқылы кіріп, кезекпен 4 баланы көшеге шығарады.
Бұл уақытта үйде ата-аналар болмаған, пешті жағып, дүкенге кеткен.
Ата-аналар келгенге дейін балалар көршілерінде болды. Құтқарылған балалар медициналық көмекке мұқтаж болған жоқ.
Оқиға орнында 4 бірлік техника, 17 адам өрт сөндіру қызметі және қаланың басқа да шұғыл қызметтері жұмыс істеді. Өрт сөндірушілер жанып жатқан үйден екі газ баллонын алып шықты.
Құтқарушылар өртті 12:07-де оқшаулап, көрші саяжай учаскелеріне таралу қаупін жойды. Сағат 12: 28-де өрт сөндірілді.
Өрттің болжамды себебі-пешті дұрыс пайдаланбау.