Облыстың бас санитар дәрігері қаулыға қол қойлы.
Дереккөз мәліметінше, мұндай шешімнің қабылдануына облыста коронавирус жұқтырғандардың саны 6,5 пайызға өсуі себеп болған.
Қаулыға сәйкес, облыста 12 маусымнан бастап облыста интернет және компьютерлік клубтардың; балалар аттракциондарының, фудкорттардың, соның ішінде ойын-сауық орталықтары, саябақтар, скверлер, аллеялар, кафелер; түнгі клубтар, кальяндар мен караоке қызметі тоқтатылады.
Сондай-ақ бұқаралық және еске алу шараларын өткізуге тыйым салынады.
"Азық-түлік дүкендерінің, супермаркеттердің, гипермаркеттердің жұмыс тәртібі онлайн-тапсырыс және жеткізу объектілерін қоспағанда, сатып алушылар арасындағы әлеуметтік қашықты, күшейтілген санитариялық-дезинфекциялық режимді сақтай отырып, сағат 10:00-ден 20:00-ге дейін шектелген.
Облыстағы ойын-сауық орталықтары күшейтілген санитарлық-дезинфекциялық режимді сақтай отырып, сағат 10:00-ден 17:00-ге дейін жұмысын жалғастырады. Қоғамдық тамақтану объектілері (оның ішінде сағат 10:00-ден 22:00-ге дейін үстел арасындағы әлеуметтік қашықтықты сақтай отырып және 50 адамға дейін келушілердің санын шектей отырып жұмыс істейді", - делінген қаулыда.