Кейбір техникалық мәселелерге байланысты Астана әуежайындағы және ресми веб-сайтындағы ұшу ақпаратын көрсету жүйесінде (FIDS) жарияланған мәліметтің дәлдігі уақытша дұрыс болмауы мүмкін. Жоспарланған ұшу және келу уақыты өзгеріссіз қалғанымен, нақты уақыттағы ұшу мәртебесі сәйкессіздікке тап болуы мүмкін, деп хабарлайды kazlenta.kz тілшісі Қазақпаратқа сілтеме жасап.
Әуежай жолаушыларға өз рейсі туралы ең соңғы ақпаратты алу үшін авиакомпания өкілдеріне хабарласуға кеңес береді. Әуежайдың арнайы мамандары бүкіл жолаушылардың қауіпсіздігі мен ыңғайлылығын қамтамасыз ету үшін бұл мәселені белсенді түрде шешіп жатыр.
«Біз өз жолаушылардың осы жағдайға қатысты түсінік танытып жатқанын жоғары бағалаймыз және алаңдаудың қажеті жоқ екенін қаперіңізге саламыз. Кейбір қолайсыздық үшін шын жүректен кешірім сұраймыз. Жаңарған ақпарат алу үшін біздің ресми байланыс арналарымыз арқылы байланыста болыңыз» дейді әуежайдан.
Әуежай әкімшілігі онлайн-таблодағы кейбір мәселелерді тез арада шешуге тырысады.
Еске саала кетейік, бүгіннен бастап Қазақстанда уақыт бір сағат артқа жылжыды.