Шымкент қаласы әкімдігінің ситуациялық "iKomek" орталығы бірыңғай тегін 109 нөмірі арқылы және арнайы әлеуметтік желілер көмегімен қала тұрғындарына 24/7 тәртібінде қызмет көрсетеді.
Мұнда қала халқы коммуналдық шаруашылық қызметіндегі мәселелерден бастап, денсаулық сақтау, жұмыспен қамту, тұрғын-үй тіпті білім саласына қатысты проблемаларын да айтып шағымдана алады. Шымкент қаласының әкімі Ғабит Сыздықбеков демалыс күндері қаладағы бірқатар маңызды нысандарды аралап, дәл осы орталықтың жұмыстарымен танысты. Бүгінде бұл мекеменің атқарып отырған шаруасы қыруар. Коммуналдық кәсіпорындардың барлық байланыс тетіктерін біріктіретін мекеме 24/7 тәртібінде жұмыс істейді. Бүгінде бұл мекеменің атқарып отырған шаруасы қыруар.
Тұрғындардың өтініштері белгіленген мерзімде мемлекеттік органдарға, коммуналдық мекемелерге жіберіледі. Орталыққа жыл басынан бері мегаполис азаматтарынан 203 мың 916 арыз-шағым келіп түскен. Оның 98,5%-ы орындалып, өз шешімін тапты. Қалған өтініштер әзірге жауапты мекемелердің қарауында. Мұнда күніне мыңнан аса арыз-шағым түсетін көрінеді. Қала әкімі жауаптыларға азаматтармен кері байланыс орнату арқылы қызмет сапасын арттыру бойынша нақты тапсырмалар жүктеді. Сондай-ақ орталық директорына бірде бір арыз-шағымды қараусыз қалдырмай, көтерілген мәселелерді шұғыл шешуді ұйымдастыруды ескертті. Жауаптыларға азаматтармен кері байланыс орнату арқылы қызмет сапасын арттыру бойынша нақты тапсырмалар жүктеді.