Атырау облысы Жылыой ауданы Құлсары қаласында газ тасымалдаушы көлік өртеніп кетті, деп хабарлайды ТЖД баспасөз қызметіне сілтеме жасаған Kazlenta.kz
Ведомство дерегінше, Жылыой ауданы Құлсары қаласында автокөліктің жанғаны туралы хабарлама 14 маусым күні сағат 13:34-те түскен. "Шақырту орнына жеткен №2 МӨСБ қызметкерлері Жылыой ауданы Құлсары қаласы ВS жанар-жағармай бекетіне келген ЗИЛ-130 маркалы газ тасымалдаушы көлігінің кабинасы және қозғалтқыш бөлігінің толықтай жанып жатқанын анықтады",- деп жазылған хабарламада.
Өрт 13:46-да оқшауланып, 13:51-де толықтай сөндірілді. Зардап шеккендер жоқ.
Өртті сөндіруге Атырау облысы ТЖД Жылыой ауданы №2 МӨСБ төрт қызметкері мен бір техникасы жұмылдырылды.
15-06-2022, 13:00
Атырау облысында газ тасымалдайтын көлік өртке оранды
Егер мәтінде қате байқасаңыз, оны таңдап, Ctrl+Enter пернелерін басыңыз