Бүгін, 27 қаңтар сағат 06:11-де Алматы тұрғындары тағы да жер сілкінісін сезді. МSК-64 шкаласы бойынша сезілуі 2-3 балл, деп хабарлайды оңтүстік астананың Төтенше жағдайлар департаментіне сілтеме жасаған kazlenta.kz.
ТЖД-ның мәліметінше, жер сілкінісінің ошағы Алматы қаласынан оңтүстікке қарай 191 шақырым жерде Қырғызстан аумағында орналасқан. Жер сілкінісінің энергетикалық класы – 11.9. MPV магнитудасы – 5.2 Эпицентрінің бағыты – 41.52° с.е. 77.37° ш.б. Тереңдігі – 10 шақырым. МSК-64 шкаласы бойынша Алматы қаласында сезілуі 2-3 балл.
ТЖД барлық құзырлы органдар хабардар екенін, "112", "101" желілеріне тұрғындардан ешқандай хабарлама келіп түспегенін атап өтті. Сондай-ақ департамент "Қазселденқорғау" мәліметіне сүйеніп, гидротехникалық құрылыстарда деформация, шөгу, жарықтардың пайда болғаны туралы фактілер тіркелмегенін жеткізді.
27-01-2023, 11:17
Алматыда тағы да жер сілкінісі сезілді
Егер мәтінде қате байқасаңыз, оны таңдап, Ctrl+Enter пернелерін басыңыз