Елордада 10-қабаттан құлап кеткен қыз бала аман қалды. Оны төменгі қабаттағы көршісі қағып алуға тырысып, жерге қатты құлауына жол бермеген, деп хабарлайды қалалық ТЖД баспасөз қызметіне сілтеме жасаған KAZ.NUR.KZ-ке сілтеме жасаған Kazlenta.kz
Ведомствоның мәліметінше, оқиға 31 шілде күні кешкі уақытта болған. Құтқару қызметіне сағат 20:50-де жедел жәрдемнен 2017 жылы туған баланың 10-қабаттан құлап кеткені туралы хабарлама келіп түскен. "Сол үйде тұратын 1988 жылы туған ер адам баланы құлап бара жатқанда ұстап алмақ болған, осылайша соққыны жұмсартқан", - деп хабарлады ведомстводағылар.
Осы орайда Нұр-Сұлтан қаласының Төтенше жағдайлар департаменті баланы құтқаруға тырысқан Талғат Әбдіханұлын марапаттауды ұйғарған. Алайда қыз бала қазір жансақтау бөлімінде ауыр халде жатқандықтан Талғат марапаттан бас тартқан.
10-08-2022, 09:31
Елордада 10-қабаттан құлап кеткен бес жасар қыз аман қалды
Егер мәтінде қате байқасаңыз, оны таңдап, Ctrl+Enter пернелерін басыңыз