24 қазанда Алматы қ. Қоғамдық даму басқармасы мен Экология департаментінің қолдауымен «Шетсіз қала» мемлекеттік бағдарламасы аясында экологиялық акция өтті.
Әуезов ауданы Жастар ресурстық орталығының үйлестірушісі Камила Нуралиеваның айтуынша, жастар экологиялық мәдениетті қалыптастыруға және тамаша қаламыздың тазалығына аздаған үлес қоса отырып, мұндай іс-шараларды белсенді түрде қолдайды. Алғашқы акция 10-ықшамауданда өтті.
Еріктілер аумақты толығымен қоқыстан және құрғақ жапырақтардан тазартып, содан кейін аллеяға 20 емен көшетін және 15 бұталы ағаш отырғызды. Балаларды ауданның тұрғындары да қолдап, жинауға қосылды. Екінші сенбілік осы күні Сайран көлінің жанында өтті.
Экобелсенділер аллеяны түскен жапырақтардан тазартып, қоқыстарды жинады. Бұл Жастар ресурстық орталығы еріктілерінің өткізіп отырған алғашқы акциясы емес.
Қазан айының басында Наурызбай ауданында белсенділер Алматы-Арена спорт кешеніне жақын жерде алма және алхоры көшеттерін отырғызды. Балалар сонымен бірге қайырымдылық акцияларына да қатысады: ардагерлерге және аз қамтылған отбасыларға көмектеседі. ЖРО қызметі туралы толығырақ әр аудандық Орталықтың өз жеке аккаунты бар Инстаграмнан біле аласыз. Ол жерде балалар өткізілген іс-шаралардың фото және видеоларымен бөліседі.