Қазақстан Республикасының Тәуелсіздігінің 30 жылдығы аясында Ақсай қаласының туған күніне орай «Туған қалам Ақсай!» тақырыбнда мерекелік салтанатты гала концерт озырылды. Аталмыш мерекелік шараға Бөрлі ауданының әкімі, ауданға еңбегі сіңген қайраткерлер, тұрғындар және қоғам белсенділері қатысты, деп хабарлайды kazlenta.kz.
Бөрлі ауданының әкімі Миржан Мұнайдарұлы Сатқанов Қазақстан Республикасы Тәуелсіздігінің 30 жылдығы аясында, Бөрлі ауданының саяси-экономикалық, қоғамдық салаларының дамуы жолында 30 жыл бойы еңбек етіп, ерен еңбектерімен сүбелі үлестерін қосып жүрген аудан азаматтары мен азаматшаларын «Бөрлі ауданының құрметті азаматы» белгісімен марапаттады. Атап өтсек, Акишев Асқар Ашуевич, Ахметова Роза Камашевна, Ищенко Татьяна Германовна, Сакимова Ганима Батырхаировна, Утепов Нуржан Жаксигалеевич, Бранов Мұхит Бранұлылар «Бөрлі ауданының құрметті азаматы» атағына ие болды. Сонымен қатар өз еліне, кіндік қаны тамған туған жеріне игі істерімен еленіп, қиын қыстау шақтарда мұқтаж жандаоға қол ұшын созып, жүрек жылуы мен ыстық ықыластарын, адамдық мейірімділік пен жомарттықтарын тұрғындарға сездіре білген, мейірімділігімен бөлісе білген жүрегі кең жандарды «Жомарт жүрек» сыйлығымен марапаттады. Аталмыш атақты «Ақсайгазсервис» АҚ Шектебаев Т.И., «AMANAT» ШҚ- Далабаев Б.М., «АксайСнабКонтракт» ЖШС - Гадельшиев Б.М, «Сичим» компаниясы - Роделли Джузеппе, CAIH POWER компаниясы - Косенко А.А., Лигабуе центральная Азия ЖШС- Ақсай қаласындағы жоба менеджері Карло Деттори, «БатысМұнайСтрой» ЖШС - Сарсембаев А.А., МСС АҚ- Назаров Т.Қ., Ақсай Индустриалды Паркі - Коломбо Жанлука ие ленді.
Мерекелік салтанатты шара «Туған қалам Ақсай!» гала концертімен жалғасты. Концертте аудан өнерпаздары тұрғындарға керемет көңіл-күй сыйлады. Әсем ән мен мың бұралған биге толған сәні мен салтанаты келіскен мерекелік шара әсерлі нотада аяқталды.