"Кеше сағат 15:03-те Қорғалжын тас жолы бойында, үлкен Талдыкөл көлінің ауданында қолжетімділігі қиын сулы-батпақты жерлердегі ашық аумақта шамамен 6,5 га жерде қамыс өртенді", - делінген хабарламада.
Ведомство дерегінше, "Астана Орманы" МКК күшімен жану периметрі бойынша жер жыртылған. Өрттің "Нұр-Сұлтан қаласының жасыл белдеуіне" таралу қаупі жоқ. Өртті сөндіруге ТЖД жеке құрамының 122 адамы және 30 бірлік техникасы, коммуналдық қызметтер жұмылдырылған.
Бүгін сағат 08:09-да Нұр-Сұлтан аэродромынан "Қазавиақұтқару" АҚ-тың МИ-8 тікұшағы ұшып кеткен.