Ru  Kz
Барлық жаңалықтар

“Қарасора” операциясы: полицейлер 237 есірткі қылмысын анықтаған

“Қарасора” операциясы: полицейлер 237 есірткі қылмысын анықтаған
Фото: polisia.kz

Еліміздің оңтүстік өңірлерінде қарасораны өсіруге, дайындауға және әкетуге қарсы, сондай-ақ есірткіні, оның ішінде олардың жаңа түрлерін таратуға маманданған ұйымдасқан қылмыстық топтардың жолын кесуге бағытталған “Қарасора” арнайы операциясы жалғасып жатыр, – деп хабарлайды kazlenta.kz тілшісі Polisia.kz сайтына сілтеме жасап.

Өткен аптада ғана ІІМ есірткі қылмысына қарсы іс-қимыл департаментінің қызметкерлері 1 940 килограмнан астам есірткіні заңсыз айналымнан тәркіледі.

Мәселен, Ақмола облысында аумақтық полиция департаментімен бірлесіп, Астана, Көкшетау және Қарағандыда каннабис тобының есірткілерін байланыссыз сатумен айналысқан ұйымдасқан қылмыстық топтың қызметі тоқтатылды. Топ 11 адамнан тұрған, олардың арасында бір кәмелетке толмаған бала да бар.

Қызылорда облысының Шиелі ауданында елді мекеннен 70 шақырым жерде апиын көкнәрын өсіруді ұйымдастырған жергілікті тұрғын ұсталды. Бір гектар жерге қылмыскер 2 377 көкнәр бұтасын отырғызған. Құрамында есірткі бар өсімдіктердің жалпы салмағы шамамен 300 килограмды құрады. Тінту барысында плантацияда үш килограмм кептірілген марихуана тәркіленді.

Жамбыл облысында да қарасора өсіру фактісі анықталды. Полицейлер ауданы 1 га жерге қарасора өсіру фактісінің жолын кесті. Құрамында бір жарым тоннадан астам есірткі бар өсімдік заңсыз айналымға жіберілмеді.

Таразда біздің елде уақытша тұратын шетелдік азаматтың қарасора өсіру әрекетінің жолы кесілді. Оның пайдалануға дайын төрт қарасора бұтасы мен 100 грамнан астам марихуана тәркіленді.

“Қарасора” арнайы операциясының өткен айында полицейлер 237 қылмысты анықтады, оның ішінде: 88 өткізу фактісі, 35 аса ірі мөлшерде есірткіні заңсыз сақтау фактісі, құрамында есірткі бар өсімдіктерді өсірудің 88 фактісі. Бес есірткі зертханасы жойылды.

Заңсыз айналымнан үш тоннадан астам есірткі тәркіленді, оның ішінде екі тоннадан астам марихуана, 300 кг апийын көкнары, 29 кг гашиш, 4 кг синтетика және шамамен 1 кг героин.


скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Бүгін Димаш Құдайберген 30 жасқа толды
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Мультимедиа
Ақордада су тасқынымен күреске белсене атсалысқан азаматтарды салтанатты түрде марапаттау рәсімі өтті
Мемлекет басшысы Қазақстан-Сингапур бизнес форумында сөз сөйледі
Марат Сұлтанғазиев су тасқынына қарсы іс-шараларға қатысқан әскерилерді марапаттады
Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясын өткізді
Олжас Бектенов Nazarbayev University ғылыми әзірлемелерімен танысты