2023 жылғы 19 маусым күні ТЖМ Республикалық жедел-құтқару жасағының кезекші бөліміне әйел адамнан қоңырау түсті, деп хабарлайды kazlenta.kz тілшісі ҚР ТЖМ баспасөз қызметіне сілтеме жасап.
Ол 18 маусымда жұбайы досымен бірге Фурманов шыңына қарай тауға кетіп, үйіне оралмағанын хабарлады. Соңғы рет жексенбі күні сағат 12.30-да байланысқа шыққан.
Сағат 18:30-да Республикалық жедел-құтқару жасағының жеті құтқарушысы, оның ішінде бір кинологиялық есеп туристерді іздеуге шықты. Іздеу жұмыстары Фурманов шыңына қарай көтерілуден басталды. Сағат 20:50-де құтқарушылар зардап шеккен адамдарды Қимасар шатқалынан тауып, оларға төменге түсуге көмектесті. Ер адамдар медициналық көмекке мұқтаж емес.
ТЖМ құтқарушылары тауға шықпас бұрын туыстарыңызға немесе жақындарыңызды бағытыңызды және оралу уақытыңыз туралы ескерту қажеттігін еске салады.