Қазақстанның бірінші, әлемнің 25 ракеткасы Елена Рыбакина Аустралия ашық чемпионатының ширек финалына шықты, деп хабарлайды Қазақстанның теннис федерациясының баспасөз қызметіне сілтеме жасаған kazlenta.kz
Қазақстандық теннисші төртінші айналымда әлемнің бірінші ракеткасы, Польша өкілі Ига Швентекпен шеберлік байқасып, екі партияда да 6:4 есебімен басым түсті. Тартысты өткен матчта Елена Рыбакина 6 эйс жасап, 6 брейк-пойнттың төртеуін мүлт жіберген жоқ.
Қарсыласы 2 эйс, 2 брейкпен көзге түсті. Енді отандық спортшы жартылай финалға шығу үшін әлемнің 7-ракеткасы, америкалық Кори Гауфф немесе рейтингте 17-сатыда тұрған латвиялық Елена Остапенконың біреуімен кездеседі.
23-01-2023, 14:11
Елена Рыбакина әлемнің бірінші ракеткасын ұтып, ширек финалда өнер көрсетеді
Егер мәтінде қате байқасаңыз, оны таңдап, Ctrl+Enter пернелерін басыңыз