Қазақстанның бірінші, әлемнің 25-ракеткасы Елена Рыбакина Аустралия ашық чемпионатының үшінші айналымына шықты, деп хабарлайды Қазақстанның теннис федерациясына сілтеме жасаған kazlenta.kz
Қазақстандық теннисші "Үлкен дулыға" турнирінің екінші айналымында дүниежүзілік рейтингте 104-орында тұрған словениялық Кайя Йуванмен кездесті. Бірінші партияда қазақстандық спортшы 6:2 есебімен басым түсті. Екінші сетте де Рыбакина қарсыласына еш мүмкіндік берген жоқ (6:1).
Бәсеке барысында Елена 5 эйс жасап, 8 брейк-пойнттың тең жартысын пайдаланды. Енді отандық спортшы төртінші айналымға шығу үшін әлемнің 11-ракеткасы, америкалық Даниэль Коллинз немесе рейтингте 133-сатыдағы чехиялық Каролина Мухованың біреуімен кездеседі. Айта кетейік, жақында Елена Коллинзді Аделаидада 5:7, 6:2, 6:3 есебімен ұтқан болатын.
19-01-2023, 11:10
Елена Рыбакина үшінші айналымға шықты
Егер мәтінде қате байқасаңыз, оны таңдап, Ctrl+Enter пернелерін басыңыз