Қазақстанның бірінші, әлемнің 26-ракеткасы Елена Рыбакина Острава (Чехия) WTA 500 турнирінің финалына өте алмады. Ол беделді бәсекенің жартылай финалында жеңілді, деп хабарлайды федерацияның ресми сайты.
Рыбакина жартылай финалда әлемнің 23-ракеткасы, чехиялық Барбора Крейчиковамен финалдың жолдамасын сарапқа салды. Қазақстандық теннисші матчты сәтті бастап, бірінші партияны сенімді ұтты – 6:3. Екінші сетте тай-брейкте Крейчикованың жолы болды – 7:6 (7:4). Үшінші, шешуші партияда чехиялық спортшы таразы басын өзіне аудара білді – 6:4.
Осы жарыста қазақстандық Анна Данилина да жұптық сында финалға шыға алмады. Ол бразилиялық Беатрис Хаддад Майямен бірге жартылай финалда поляк теннисшісі Алисия Росольска – жаңазеландиялық Эрин Рутлифке жол берді – 4:6, 2:6.
10-10-2022, 16:40
Елена Рыбакина Чехиядағы турнирдің жартылай финалында жеңіліп қалды
Егер мәтінде қате байқасаңыз, оны таңдап, Ctrl+Enter пернелерін басыңыз