Жас немесе тоңазытылған ет* өндірісі 2022 жылғы қаңтар–қазанда 59,1 мың тоннаны құрап, өткен жылдың сәйкес кезеңімен салыстырғанда 8,1% өсті, деп хабарлайды energyprom.kz-ке сілтеме жасаған kazlenta.kz
Биылғы қараша айының қорытындысы бойынша сүйекті сиыр еті 8%, сүйекті жылқы еті 16,1% қымбаттады. Сүйекті шошқа еті бағасы бір жылда 13,4%, сүйекті қой еті 12,4% өсті. Жыл басынан бері жылқы еті 15,2%, шошқа еті мен қой еті 12,2%, сиыр еті 8,4% қымбаттады.
Осы жылдың қараша айында шошқа еті айтарлықтай қымбаттады: 1,6%. Одан әрі жылқы еті: 1%. Сиыр мен қой еті 0,4% қымбаттады.
2022 жылдың қараша айының қорытындысы бойынша сүйекті жылқы етінің килосы 2999 теңгеге, сүйекті қой етінің килосы 2673 теңгеге, сүйекті сиыр етінің килосы 2421 теңгеге, сүйекті шошқа етінің килосы 2077 теңгеге жетті.