Тыва Республикасының (Ресей Федерациясы) «Кара Хаак» таудағы полигоны базасында «Аттар марафоны» конкурсына қатысу үшін аттарды таңдау бойынша командалардың жеребесі өтті.
Қазақстан, Моңғолия, Ресей және Өзбекстан командаларының капитандары өз командаларына 10 негізгі және 3 қосалқы атты, сондай-ақ алдағы жарыстарға қатысатын түсті таңдады. Жеребе нәтижесі бойынша Қазақстан командасына жасыл түс берілді.
Командаларға таңдалған аттарды шабыста сынап көруге мүмкіндік берілді. Сержант Ерғұлан Омаровқа өзі таңдаған «Камаз» атты үйірбасын құрықтап міну үшін ептілік қажет болды.
«Аттар марафоны» конкурсы 22 – 29 тамыз кезеңінде өтеді. Ол екі кезеңнен тұрады. Бірінші кезең барысында қатысушылар су бөгеттері мен мина кедергілерінен тұратын ұзақтығы 100 километрден асатын қашықтыққа шабады, аттар шолғынын қойып, суат басына түнейді, қару-жарақ пен оқ-дәрілерді жеткізеді. Екінші кезеңде қатысушылар кедергілер жолағынан өтіп, оқ атуды және граната лақтыруды орындайды.