Алматыда электромобильдерге арналған қуаттау станциялары пайда болады, бұл оларды қала тұрғындары үшін ыңғайлы етеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
«Алматы» ӘКК» АҚ еншілес ұйымы «Almaty Finance» 28 жаңа жоғары жылдамдықты қуаттау станциясын орнатуға 163 млн теңге бөлді. Бұл қаражат «Almaty Business – 2025» бағдарламасы және жасыл экономиканы дамыту стратегиясы шеңберінде электр зарядтарының инфрақұрылымын кеңейтуге бағытталған.Айта кетейік, электромобильдерге жағдай жасау арқылы мегаполистің экологиясын жақсартуға болады, қаладағы зиянды заттар шығарындыларының 60% - ы автокөліктерге тиесілі екенін ескерген жөн. 2023 жылы Алматыда автокөлік құралдарының зиянды заттар шығарындыларының көлемі 112 мың тоннадан асты.Анықтама үшін: «Алматы» Әлеуметтік-кәсіпкерлік корпорациясы» АҚ — активтерді тиімді басқаратын және бизнесті қолдайтын өңірлік қор, Алматының әл-ауқатын экономикалық және әлеуметтік деңгейде қамтамасыз етуге ықпал етеді.