25 Маусымда сауда және интеграция вице-министрі Ержан Қазанбаевтың төрағалығымен тұтынушылардың құқықтарын қорғау жөніндегі ведомствоаралық кеңестің бірінші отырыс өтті, деп хабарлайды kazlenta.kz.
Отырысқа мемлекеттік органдардың басшылары, Мәжіліс депутаттары, "Атамекен" ҰКП, тұтынушылардың қоғамдық бірлестіктері мен Ұлттық Медиаторлар палатасының өкілдері қатысты. Тұтынушылық құқықтарды қорғау жүйесін жетілдіру мәселелері талқыланды, "тұтынушылардың құқықтарын қорғау туралы" Қазақстан Республикасының Заңына түзетулердің 1-пакетін өзгертудің оң тәжірибесі атап өтілді, сондай-ақ түзетулердің 2-пакетінде әзірленетін ұсынылып отырған нормалар талқыланды.
Отырыста, атап айтқанда, "саннан сапаға"қағидаты бойынша бірлестіктер институтын қайта форматтауға көмектесетін тұтынушылардың Ұлттық қауымдастығын құру мәселесі көтерілді. Бұл ретте мемлекеттің тұтынушылық дауларды шешуге қатысуы барынша азайтылады.
Естеріңізге сала кетейік, ведомствоаралық кеңес 2020 жылдың қазан айында ҚР Үкіметі жанынан құрылған болатын. Оның басты қызметі – тұтынушылардың құқықтарын қорғау, тұтынушылардың құқықтарын қорғау саласындағы мемлекеттік органдар мен үкіметтік емес ұйымдардың қызметін бағалау, сондай-ақ тұтынушылық құқықтарды қорғау мәселелері бойынша ұсыныстар мен ұсынымдар әзірлеу. Ведомствоаралық кенестің қызметі тұтынушылардың құқықтарын қорғау комитеті қамтамасыз етеді.
ВАК отырыстары жылына кемінде 1 рет өткізіледі, онда мемлекеттік органдардың тұтынушылардың құқықтарын қорғау саласындағы жұмысының қорытындылары талқыланады, қолданыстағы практикадағы олқылықтар анықталады және тиісті ұсыныстар шығарылады.
Бұл консультативтік-кеңесші органның қызметі ашық және Комитеттің сайтында, Әділет ақпараттық-құқықтық жүйесінде қолжетімді. Кеңес тұтынушылардың құқықтарын қорғау жүйесін жақсартуға қабілетті ұсыныстарды талқылау және енгізу үшін ашық.