«Байқоңыр» ауданында Өндіріс тұрғын алабының №34 мектебіне іргелес аумақта орналасқан ескі спорт алаңы қайта жаңартылып, workout-аймағы жайластырылды, деп хабарлайды kazlenta.kz тілшісі Астана қаласы әкімдігінің баспасөз қызметіне сілтеме жасап.
Аталған алаң осыған дейін су жиналатын балшықты учаскелердің бірі болатын. Бүгінгі таңда онда кешенді жөндеу-қалпына келтіру жұмыстары жүргізілді. Нәтижесінде, тұрғын алап тұрғындары мен жас спортшылар үшін жаңа спорт алаңы мен workout-аймағы пайда болды. Сонымен қатар, абаттандыру барысында асфальт және тартан жабыны төселді. Осылайша, жаңбыр және еріген қар суы жиналатын тағы бір учаске жаңа қалыпқа келтірілді.Спорт алаңының ашылуы салтанатты түрде мектеп оқушылары мен ата-аналардың, ұстаздар мен білім саласының қызметкерлерінің қатысуымен өтті.
Шара барысында тұрғын алаптың жас споршылары өнер көрсетіп, өнерлі шәкірттері концерттік бағдарлама ұйымдастырды. Сондай-ақ, шараға «Өндіріс» тұрғын алабының белсенді тұрғындары да қатысып, балалар қуанышын бірге тамашалады.Бұдан бөлек, тұрғын алаптың жас спортшылары арасында футболдан турнир, тұрғындар мен ата-аналар арасында спорттық сайыстар ұйымдастырылды.