Шымкеннттегі Жастар ресурстық орталығында Қазақстан Республикасы Президентінің жанындағы Мемлекеттік басқару академиясының ректоры Ерлан Әбіл жоғары оқу орындарының студенттерімен кездесті.
Жиында «Қоғамдағы жастардың ролі» тақырыбы қозғалып, ҚР Президентінің жанындағы Мемлекеттік басқару академиясына оқуға түсу талаптары түсіндірілді.Сондай-ақ, кездесуге Шымкент қалалық Ішкі саясат және жастар істері жөніндегі басқармасының басшысы Бахтияр Өнербаев қатысты.
Жаңа Қазақстанды дамытуда жастардың рөлі маңызды. Жиында осылай деп, сөз бастаған Ерлан Әбіл елдің қоғамдық-саяси процестеріне жастардың тартылуы, олардың мемлекеттік басқару жүйесіне қатысуы мен саяси партияларға мүше болуы, Қазақстан Республикасы Парламентінің Мәжілісінде және мәслихаттарда өкілдік етуімен, сондай-ақ жастар ұйымдарының қызметіне қатысуымен үлкен бастамалардың айқындалатынын жеткізді.
"Ұлттың кемел келешегі үшін бүгінгі жас ұрпаққа артылар үміт пен жауапкершілік жоғары. Сондықтан жастардан шынайы патриоттыққа негізделген білім мен біліктілік, креативтілік талап етіледі. Ал, мемлекет осы санаттағы азаматтарды қолдай келе, жастар саясатын жүйелі түрде жүзеге асырып келеді. Осы орайда, жастардың мемлекеттік қызметке келуіне бар мүмкіндіктер жасалған", - деп атап өтті Қазақстан Республикасы Президентінің жанындағы Мемлекеттік басқару академиясының ректоры Ерлан Әбіл.
Жиында ҚР Президентінің жанындағы Мемлекеттік басқару академиясының жастарға беретін мүмкіндіктері, Президенттік жастар кадр резервіне іріктеу барысы, магистратура және докторантура бағдарламаларына оқуға түсу мәселелері бойынша да ақпарат берілді.