12 қараша сағат 00:25 шамасында Қамзин-Циолковск көшелерінің қиылысында Lexus автокөлігі полиция қызметкерлерінің күдігін тудырды, деп хабарлайды kazlenta.kz тілшісі polisia.kz сайтына сілтеме жасап.
Көлікті тоқтату барысында жүргізуші полицейлердің заңды талаптарына бағынбай, жылдамдықты арттырып, қаша бастаған.
Малайсары батыр-Ресей көшелерінің қиылысында жүргізуші бағдаршамның тыйым салу сигналына өтіп, Toyota Camry автокөлігімен соқтығысады. Ер адам ұсталды.
30 жастағы жүргізушіге қатысты мас күйінде көлік құралын жүргізгені үшін жәбірленушінің денсаулығына зиян келтіруге немесе көлік құралдарына зақым келтіруге әкеп соққан әкімшілік іс қозғалды, материал сотқа жіберілді.
Сондай-ақ бағдаршамның тыйым салатын сигналынан өткені және міндетті сақтандыру шартын жасаспағаны үшін жүргізушіге 20 АЕК айыппұл салынды. Сотқа дейін жүргізуші уақытша ұстау бөлмесіне орналастырылды.