БҚО-ның Ақсай қаласында оқ жарақатын алған кәсіпкердің денесі табылды, деп хабарлайды "Мой город"-қа сілтеме жасаған Kazlenta.kz
БАҚ-тың жазуынша, ер адамның денесі 15 шілде күні шамамен 22.00-де Ихсанов көшесінде орналасқан өз үйінің кірберісінен табылған. Марқұм дүкен иесі болған.
БҚО полиция департаментінің мәліметінше, оқ кәсіпкердің басына тиген. Қылмыс құралы ретінде ауладағы қақпаның маңынан маркасы белгісіз бір ауызды тегіс ұңғылы қару табылып, тәркіленген.
Дүкен иесінің денесі сот-медициналық сараптамадан өту үшін Орал қаласындағы мәйітханаға жіберілген. Құзырлы орган қазіргі таңда аталған факті бойынша Қылмыстық кодекстің 99-бабының 1-бөлігі ("Адам өлтіру") бойынша сотқа дейінгі тергеу жүргізіліп жатқанын атап өтті.
19-07-2022, 16:15
Ақсайда үй жанынан кәсіпкердің денесі табылды
Егер мәтінде қате байқасаңыз, оны таңдап, Ctrl+Enter пернелерін басыңыз