Басылымның жазуынша, адам сүйектерін алғаш болып еріктілердің бірі байқаған. Белгілі болғандай, Чернояркада балық аулап жүрген кезде оның жердің шөп шықпай қалған кішкене бөлігіне көзі түскен. Бұл жағдай оған күдікті болып көрінгендіктен, сол жерге жақын барып қараған. Мұқият қарау кезінде ерікті адам сүйектерін көрген. Ол жерді әрі қарай қазғанда адамның жақ сүйегі шыққан. Сүйектер құдды бір бөлшектеп тастаған сияқты шашыраңқы жатқан. Облыстық полиция департаментінің мәліметінше, Ертіс өзенінің жанынан адам сүйектері табылғандығы жайлы факт тіркелген.
"Сот-медициналық сараптама тағайындалды. Археологтардың алдын ала қорытындысы бойынша бұл қалдықтар 6-8 ғасырларға жатады", – дейді құзырлы органның баспасөз қызметі. Басылымның дерегінше, адам сүйектері табылған жерді зерттеу кезінде жебе ұштары мен басқа да тарихи жәдігерлер табылған.