Ағымдағы жылдың қаңтар айының соңында Ұлан ауданының полиция бөлімі полиция қызметкерлерімен Пролетарка ауылының 59 жастағы тұрғынынан бір рет оқтаулатын тегіс ұңғылы тапанша, яғни атыс қаруы болып табылатын зат тәркіленді. Сондай-ақ аталған қару 5,6 мм колибрлі дөңгелек патронға арналып, қолдан жасалған. Тапаншаның ақауы жоқ және атуға жарамды, ал тәркіленген 37 зат- спорттық және аңшылық атыс қаруларына арналған оқ-дәрілер болып табылды. Оқ-дәрілер зауыттық әдіспен жасалған және атуға жарамды, деп хабарлайды kazlenta.kz.
-Аталған қару қайтыс болған 55 жастағы немере ағасынан қалғаны анықталды, ағасы қаруды шамамен 2010 жылы оған тегін берген. Қару иесі ретінде есепте тұрмайды,- деді ШҚО ПД бастығы Сағат Мадиев.
Аталған факті бойынша ҚР ҚК-нің 287-бабы 3-бөлігі бойынша сотқа дейінгі тергеу жүргізілуде.