Биылғы жылдың қаңтар–тамыз айларында республикада өрт қауіпсіздігі талаптарын бұзуға байланысты 41 қылмыстық құқық бұзушылық тіркелді, бұл 2021 жылдың сәйкес кезеңімен салыстырғанда 32,8% аз., деп хабарлайды Finprom.kz-ке сілтеме жасаған kazlenta.kz
Өңірлер бойынша мұндай құқық бұзушылықтардың көбі елордада тіркелді: бір жыл бұрынғы 16-мен салыстырғанда биыл 6 қылмыс. Одан кейін Түркістан (5 жағдай) және Солтүстік Қазақстан (4 жағдай) облыстары.
Биылғы жылдың бірінші жартыжылдық қорытындысы бойынша, жалпы республика бойынша өртке байланысты 15,2 мың әкімшілік құқық бұзушылық тіркелді, бұл бір жыл бұрынғыдан бірден 19% артық.
Соңғы ірі оқиғалардың қатарында Қостанайдағы қайғылы оқиға да бар. «Оружейная палата» бір қабатты дүкенінде өрт жақын маңдағы техникалық қызмет көрсету станциясы мен асхана ғимаратының шатырына өтіп, 2 мың шаршы метрден астам аумақта өрт болды, 7 адам зардап шекті, оның 6-ы ауруханаға жатқызылды, деп хабарлайды inform.kz . Жұмысқа 6 жедел жәрдем көлігі жұмылдырылды.
Өрттерге байланысты құқық бұзушылықтар үшін әкімшілік жауапкершілікке тартылғандар саны бір жылда бірден 18,8% өсіп, бірінші жартыжылдықта 15,1 мың адамға жетті.
Оның ішінде өрт қауіпсіздігі талаптарын бұзғаны немесе сақтамағаны үшін 13,5 мың адам, көліктегі өрт қауіпсіздігі ережелерін бұзғаны үшін 706 адам, атмосфералық ауаны қорғау және қалдықтарды сақтау немесе жағу кезінде өрт қауіпсіздігі талаптарын сақтамағаны үшін 371 адам жауапқа тартылды.
Тағы 236 адам ормандарда өрт қауіпсіздігі мен санитарлық ережелерді бұзғаны үшін жауапкершілікке тартылды. Ескерту: биылғы жылы орман және дала өрттері еліміздің көптеген облыстарын, соның ішінде Қостанай, Шығыс Қазақстан, Қарағанды, Абай, Жетісу облыстарын және т. б. егістік алқаптарды шарпыды. ҚР ТЖМ ескертуінше, рұқсат етілмеген от жағу, ауыл шаруашылық жерлерде құрғақ шөптің жануы, сабан жағу мен орман және дала аумақтарында өрт қауіпсіздігі ережелерін сақтамау әкімшілік жауапкершілікке тартылады.
Сонымен қатар, су шаруашылығы құрылыстарын, құрылғыларын және өртке қарсы сумен жабдықтау жүйелерін бүлдіргені және оларды пайдалану ережелерін бұзғаны үшін 207 адам, өрт қауіпсіздігі саласындағы тексеру барысында Қазақстан Республикасының заңнамасын бұзғаны үшін 9 адам жауапқа тартылды.