Қазақстан Республикасы Ұлттық ұланы «Батыс» өңірлік қолбасшылығының Ақтау қаласында орналасқан 6656 әскери бөлімінде қызмет атқаратын әскери қызметшілердің балаларына арналған жаңа жылдық шырша өтті, деп хабарлайды kazlenta.kz
Ағымдағы жылдың 21 желтоқсанында 6656 әскери бөлімінің тәрбие бөлімінің офицерлері мен бөлімнің әйелдер кеңесінің ұйымдастыруымен Ақтау қаласында орналасқан «Балбөбек» сауда орталығында «Жаңа жылдық қарбалаң» атты балалар шыршасы өткізілді. Жаңа жылдық шыршаға бөлім командирінің орынбасары майор Асқар Маугазин арнайы қатысып, баларды келе жатқан 2023 жаға жыл мерекесімен құттықтап, жаңа жыл әр бір баланың асыға күтетін мерекесі екенін атап өтіп, өзінің ыстық лебізін жеткізді.
Шырша шамын жағуға асыққан әскерилердің балалары Аяз ата мен Ақшақарды ерекше қарсы алып өздерінің дайындаған тақпақтарын, әндері мен билерін ұсынды. Өз кезегінде Аяз ата мен Ақшақар өздерін асыға күткен балаларға сыйлықтарын шашу етті.
Әскери бөлім командирі атынан жаңа жылдық шыршаға қатысқан барлық балаларға мерекелік сыйлықтар табыстады.
Бөлім тарапынан келген құттықтау тілектер мен сыйлықтарға қарық болған балалармен және олардың ата-аналары әскери қызметшілерге өз ризашылығын білдіріп, ел қорғаудағы істеріне сәттілік тіледі.
Ертуған Әубакир