Бүгін, 20 желтоқсанда Қазақстанның үш ірі қаласында салыстырмалы түрде жылы ауа райы сақталады. Дегенмен түнде Астанада, Алматы мен Шымкентте жауын-шашын болады. Мұндай деректер "Қазгидромет" РМК ресми сайтында берілген.
Астанада күндіз күн ашық болады, көшпелі бұлт шығады, бірақ түнде елордада аздаған қар жауады. Термометрлер -4...-6 градусты көрсетіп, түнде -11...-13 градусқа дейін төмендейді. Желдің жылдамдығы 9-14 м/с, екпіні 15-20 м/с дейін баруы мүмкін. Алматы тұрғындарын сейсенбі күні күндіз жылы ауа райы күтеді, яғни термометрлер бағаны +3...+5 градусты көрсетеді, жауын-шашынсыз. Түнде синоптиктердің болжауынша, қалада қар жауып, температура -1... -3 градус болады.
Бұл жағдайда желдің жылдамдығы небәрі 0-5 м/с болмақ. Шымкентте бүгін жауын-шашын жоқ, көшпелі бұлт шығады, ауа температурасы +8...+10 градус болады. Түнде еліміздің үшінші мегаполисінде қар аралас жаңбыр жауып, температура 0... -2 градус деңгейінде болады. Желдің жылдамдығы – 6-11 м/с.
20-12-2022, 09:06
Сейсенбіде ел мегаполистерінде ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз