Бүгін, 22 қыркүйекте Алматыда найзағай ойнаса, Шымкентте керісінше күн ысиды деп күтілуде. Елордада жауын-шашынсыз ауа райы болжанады, деп хабарлайды "Қазгидромет".
Астанада жауын-шашын күтілмейді, көшпелі бұлт шығады. Күндіз термометр бағаны +28...+30 градусты көрсетсе, түнде +10...+12 градусқа дейін төмендейді. Желдің жылдамдығы – 2-7 м/с. Алматылықтарға бүгін найзағай ойнап, жаңбыр жаууы мүмкін екені ескертілген. Соған қарамастан күн айтарлықтай жылы – қалада күндіз +27...+29, түнде +13...+15 градусқа дейін жылы болады. Желдің жылдамдығы 3-8 м/с, бірақ найзағай кезінде екпіні 13 м/с жетуі мүмкін.
Бейсенбі күні Шымкентте күн ашық, тіпті ыстық болады деп болжануда. Ауа температурасы күндіз +32...+34 градусқа дейін жылыса, түнде +15...+17 градусқа дейін салқын болады. Бүгін қалада желдің жылдамдығы 3-8 м/с.
22-09-2022, 09:45
Еліміздің мегаполистерінде бүгін ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз