Метеорологтар бүгін, 27 тамызда елордада жаңбыр жауып, жел соғады деп болжайды. Ал қалған екі мегаполисте жауын-шашын күтілмейді, деп хабарлайды kazlenta.kz "Қазгидромет" РМҚ ресми сайтына сілтеме жасап.
Синоптиктертердің болжамынша, Нұр-Сұлтанда найзағай ойнауы мүмкін. Күндіз термометр бағаны +25...+27 градусты көрсетсе, түнде +9...+11 градусқа дейін төмендейді деп болжануда. Мамандардың айтуынша, бүгін елордада желдің жылдамдығы 9-14 м/с болады. Алматыда сенбі жауын-шашынсыз өтеді, көшпелі бұлт шығады. Қалада күндіз +26...+28 градус жылы болады, түнде ауа температурасы +11...+13 градусқа дейін төмендейді.
Қатты жел болмайды, оның жылдамдығы небәрі 2-7 м/с жетеді. Ал Шымкентте бүгін күн ашық болады, аздап бұлтты болуы мүмкін. Ауа температурасы күндіз +31...+33 градусқа дейін көтерілсе, түнде +16...+18 градусқа дейін төмендейді. Желдің жылдамдығы – 8-13 м/с.
27-08-2022, 09:17
Найзағай, көшпелі бұлт: Бүгін еліміздің ірі қалаларында ауа райы құбылмалы болады
Егер мәтінде қате байқасаңыз, оны таңдап, Ctrl+Enter пернелерін басыңыз