Бүгінгі мәжіліс отырысында белгілі болғандай депутат Айбек Паяев міндеттерін атқарудан өз еркімен босату туралы өтініш берген.
"Осыған орай Орталық сайлау комиссиясы сіздердің назарлырыңызға Қазақстан Республикасы Конституциясының 52-бабына, "Қазақстан Республикасының парламенті және оның депутаттарының мәртебесі туралы" Қазақстан Республикасы Конституциялық Заңының 24-бабы 3 және 8-тармақтарына сәйкес, Қазақстан Республикасы парламенті мәжілісінің депутаты Айбек Минаимбекұлы Паяевтің өтініш беруіне байланысты оның өкілеттігін мерзімінен бұрын тоқтату туралы мәселені шешу үшін ұсыным енгізіп отыр", - дейді Орталық сайлау комиссиясының мүшесі Шавхат Өтемісов.
Депутаттар аталған ұсынымға дауыс беріп, нәтижесінде Айбек Паяевтің өкілеттігі мерзімінен бұрын тоқтатылды. Айта кетейік, Айбек Паяев 2021 жылғы қаңтардан бастап – VІІ сайланған парламент мәжілісінің депутаты болды.