Сенат депутаты Ақылбек Күрішбаевтың өкілеттігі мерзімінен бұрын тоқтатылады. Бұл туралы Орталық сайлау комиссиясы ресми сайтында хабарлады, деп жазады kazlenta.kz
ОСК мәліметінше, парламент сенатының депутаты Ақылбек Қажығұлұлы Күрішбаевтың өтініш беруіне байланысты оның өкілеттігін мерзімінен бұрын тоқтатуға әкелетін негіз туындаған. "Қазақстан Республикасының парламенті және оның депутаттарының мәртебесі туралы" 1995 жылғы 16 қазандағы Конституциялық Заңның 24-бабы 3 және 8-тармақтарына сәйкес тиісті қаулы қабылданған.
Осылайша, Ақылбек Күрішбаевтың өкілеттігі мерзімінен бұрын тоқтатылып отыр. Айта кетейік, Ақылбек Күрішбаев парламент сенатына Астана қаласынан сайланған. Сенат депутаты Аграрлық мәселелер, табиғатты пайдалану және ауылдық аумақтарды дамыту комитетінің хатшысы болып келді.
13-10-2022, 14:36
Сенатор Ақылбек Күрішбаевтың өкілеттігі мерзімінен бұрын тоқтатылады
Егер мәтінде қате байқасаңыз, оны таңдап, Ctrl+Enter пернелерін басыңыз